Gent Zenelaj, i ftuar në “Pushime on Top”, tregoi se ka refuzuar një rol në filmin “Në Kuadër të Dashurisë”, për një arsye që mendojmë se duhet ta bëjnë të gjithë aktorët.
Ai tha:
“Po, ka qenë një rol që e kam refuzuar. Më duket, te filmi i Luizit (referuar “Në Kuadër të Dashurisë”). Mendoj se nuk e shihja veten aty”, tregoi aktori.
Genti, në vijim tha edhe se kishte refuzuar edhe një rol në një film të Blerim Destanit. “Parajsa është në det”, mos gaboj është titulli”.
Ai shtoi gjithashtu se:
“Unë jam munduar me shumë qytetari ta bëj të qartë se nuk e shoh veten. Sigurisht mund të ketë hatërmbetje pa diskutim, po bota jonë është kaq e vogël, sa unë prapë në këtë portokallin që vërtitet do të kem rastin të punoj prapë”.
