Reperi i njohur 50 Cent vendosi fytyrën e Donald Trump në kopertinën e albumit të tij “Get Rich or Die Tryin” pas atentatit ndaj ish-presidentit. Reperi shfaqi imazhin e edituar gjatë koncertit të tij në Boston të shtunën mbrëma teksa performoi këngën “Many Men” nga albumi i tij debutues i vitit 2003.
Fytyra e Trump u shfaq në trupin e 49-vjeçarit pa bluzë ndërsa ai qëndronte pas xhamit që dukej se ishte thyer nga një plumb. Kënga “Many Men” e cila i referohet përvojës së atentatit të 50 Cent kur u qëllua nëntë herë në Queens, NY, në vitin 2000, dukej se ishte një dedikim për të shtënat në mitingun e fushatës së ish-presidentit të shtunën.
