Këngëtari i muzikës rrep Rigels Rajku, i njohur me emrin Noizy është arrestuar mbrëmjen e së martës në qytetin e Shëngjinit. Këngëtari ishte shpallur në kërkim nga policia e Kosovës prej disa ditësh për shkak të një sherri të ndodhur në qytetin e Pejës mes miqve të tij dhe një personazhi të njohur në Tik Tok. I përfshirë në këtë sherr ishte edhe reperi tjetër shqiptar Arkimed Lushaj për të cilin policia e Kosovës ka nxjerrë po ashtu një fletë arresti.
Ditën e djeshme Noizy bëri një reagim publik në Instagramin e tij ku mohoi përfshirjen e tij në sherrin e shumëpërfolur. Sipas reperit emri i tij po keqpërdoret me dashje dhe se ai e distancon veten në mënyrë kategorike nga ngjarja e ndodhur.Pas arrestimit të mbrëmshëm në Shëngjin, këngëtari i njohur do të ekstardohet në Kosovë për të kryer procedurat e nevojshme në shpalljen ose jo fajtor në ngjarjen e ndodhur.
