Moderatorja Bora Zemani ishte e ftuar në “Goca & Gra” në Top Channel, ku foli për projektin e ri që nis së shpejti, por edhe për dashurinë dhe raportin me mamanë e Donaldit.
“Unë nuk e quaj mamanë e partnerit “vjehërr” sepse më duket sikur e shaj. Kemi marrëdhënie shumë të mirë bashkë, ulemi dhe flasim për orë të tëra, mbi të gjitha jemi të dyja nga Kuçi i Vlorës. Mbase origjina ndikon në këtë pjesë,” u shpeh ajo.
Përtej raportit me mamanë e Donaldit, Bora foli më shumë edhe për formatin e ri që do të moderojë në Top Channel dhe që quhet “Piramida”. Ajo zbuloi për herë të parë datën e nisjes, më 15 tetor, por edhe të tjera detaje rreth këtij emisioni që i është besuar për herë të parë asaj.
