Konflikti mes Princ Lekës dhe ish-bashkëshortes, Prokuroria nis hetimet për dhunë në familje

Pas denoncimit të Princit Leka dhe kallëzimit penal ndaj ish-bashkëshortes së tij Elia Zaharia për veprën penale “dhunë në familje”,  Prokuroria e Tiranës ka nisur hetimet.

Prokuroria e Tiranës ka regjistruar kallëzimin penal dhe ka nisur verifikimet në lidhje me publikimin e videos ku shfaqet Princ Leka, ish-bashkëshortja e tij dhe babai i kësaj të fundit Gjergj Zaharia teksa konfliktohen fizikisht.

Po ashtu, në njoftimin e Prokurorisë bëhet me dije se Agjencia e Mbikqyrjes Policore do kryej hetimet përkatëse. Kjo pas deklaratës së bërë një ditë më parë nga Oborri Mbretëror, ku hidhen dyshime se janë shpërndarë nga Policia te persona të tretë.

Princ Leka dhe Zaharia kanë depozituar të dy kallëzime në Polici, duke pretenduar për dhunë. Për rastin Policia ka lëshuar urdhër mbrojtje për të dy. Ndërkohë janë publikuar edhe video nga përplasja që Princi dhe Zaharia kanë pasur në rezidencën e familjes mbretërorë. Ngjarja ka ndodhur pasditen e 5 marsit, ku Princ Leka dëshmon se ka vajtur për të takuar të bijën, por ka hasur në dhunën e ish-vjehrrit fillimisht dhe më pas të ish-bashkëshortes.

Next Post

Begaj dekreton ligjin për ‘Zonat e Mbrojtura’

Mon Mar 18 , 2024
Presidenti i Republikës, Sh. T. Z Bajram Begaj, dekretoi ligjin nr. 21/2024, “Për disa shtesa dhe ndryshime në ligjin nr. 81/2017 “Për zonat e mbrojtura””. Për shkak se ligji u shoqërua me komente dhe kritika në fazën e shqyrtimit dhe miratimit të tij, sidomos nga grupet përfaqësuese të organizatave mjedisore, […]

You May Like