Pinar Deniz dhe Kaan Yildirim, prej vitesh të lidhur me njëri-tjetrin, janë martuar në një ceremoni të thjeshtë të mbajtur në Romë.
Pinar Deniz, aktorja e njohur për rolin e Xhejlin në serialin “Sekrete familjare”, dhe Kaan Yildirim kanë rreth dy vite e gjysmë që jetojnë dashurinë e tyre, por ceremoninë e martesës e vendosën krejt papritur.
Më 6 gusht, ndërsa çifti ishin në Angli, u mësua se Yildirim i propozoi partneres së tij Deniz. Më pas, pyetjet “Kur do të martoheni?” filluan të bëhen më të shpeshta.Fillimisht nuk kishte një përgjigje të qartë nga të dyja palët për martesën, por më vonë aktorja bukuroshe theu heshtjen dhe tha se do të donte të martohej dhe të bëhej nënë.
Mësohet se çifti mori masa shpejt për të organizuar martesën në Itali, para se të lindte fëmija.
Imazhet e para nga dasma u bënë shumë shpejt virale në rrjetet sociale. Pozat e çiftit u komplimentuan nga të gjithë.
